Olav Nygard

Frå Vaksdal Historielag

< Vaksdal Historielag | Bygdebøker for Vaksdal | Modalsboka band I

MITT EINASTE KVAD

	Det kjem kje ein dag	D'er lint som ei susing
	som kann finne meg glad	i levande fjell,
	so lenge d'er uskapt	d'er dulramt som jordkjelda
	mitt einaste kvad.	djupt nedi deld.
	Det brenn i mitt blod	D'er løyst som den velfarsong
	og det tyngjer mi tunge,	sjælene sender
	det styn i mitt hjarte	at verda når ut til sitt
	og skjelv i mi lunge.	upphav dei vender.
	Det leikar av glede,	D'er ukvede endå;
	det bøygjest av sut,	det faun ikkje ord;
	det bivrar av solkraft	det sigler i syner
	og sprakar av krut.	og drøymer i jord.
	Det gøyser som gove	Og det er min otte
	or brandheite kjelar,	at brennhugen spaknar
	som fossen og fjellbekken	so kvade vert uløyst
	syng det og spelar.	når livstråden raknar.