Røydland

Frå Vaksdal Historielag

< Vaksdal Historielag < Bygdebøker for Vaksdal < Bergsdalen Innhald

Gards og ættesoge for Røydland.

Innhaldsliste 1 Eigarar 2 Bumerke 3 Brukarar: 3.1 Bnr. 1.

Eigarar

1647 -1660	Anders Røidland	1 pd. smør
1661 -1669	Anders Lie
1680 -	Apostelkyrkja i Bergen.
1686 -	Claus Henrikson Miltzow, fut, budde på Mossefinn, Voss, og var ei tid forvaltar av krongodset på Voss.
1691 -1962	Hans Axelsen, borgar i Bergen (sjå Li 1, tun)
1696 -1698	Hans Axelsens enkja.
1699 -1705	Hans Axelsens arvingar
1708 -1713	Boye Rafnsdorph.

Bumerke

	Gulleik Røydland 1736
	Nils Rødland 1752
	Sjurd,Rødland 1768,1773, 1782,
	Arve Sjursen Rødland 1782

Brukarar:

Bnr. 1.

Gl.matr.nr. 76, nytt 78. L.nr, 161. Skatteskyld 1 pd. smør, landskyld 1 pd. smør. Matr. 1838: 1 skylddalar 3 ort 2 skill. 1886: L.nr. 161 a, skyld 4 ort 1 skill., omrekna til mk. 1.48. 1977: Mk. 1.32.

1619-20 er Matias Røerland etter lensrekneskapen øydejordsmann, betalar 1/2 dalar i legdsskatt.

1624 fører ledingsboka Oluff Røeland opp som brukar. Han betalar 4 mk. smør i leding. Han er nemnd som brukar 1628-34. I 1634 er han "forarmet, gaarden delvis øde", og han kunde ikkje betala skatt.

1625 er etter skattemanntalet Mikkjel nemnd som "husmand", og 1626 er Henrik nemnd som "husmand".

1640-41 er Anders Karlson brukar. Han betalar unionsskatt "efter yderste evne" med 1 ort.

1642 heiter brukaren Arnbjørn. 1643 betalar han skatt med 1½ ort.

1644 fører kontribusjonsskatten opp to brukarar, Arnbjørn og Berge. Dei betalte 1 rdl. i skatt.

1644-51 er Anders Karlson brukar att. 1645 betalar han og kona Ingebjørg kopskatt med 16 skill., og huskona Berette 6 skill. I 1646 er nemnt at ban eig garden sjølv, og betalar odelskatt, og 5 skill, 1 albus skatt for å få skyssplikta bortteken, og 1 ort og 8 skill. i kontribusjonsskatt. Anders er og nemnd som brukar 1653-56.

1657-64 er Peder Andersson brukar. Han må truleg vera son til Anders Karlson. Etter krøterskatten 1657 fødde han 1 hest, 1 okse, 6 kyr, 8 geiter og 10 sauer, skatt 7 mk. 4 skill.

1664 heiter det at garden er "halv ødegaard".

1691 er Sjur Pederson bygselmann. Han må vera son til Peder Andersson. Han var f. 1657, d. 1735, g. 1689 m. Ingeborg Olsdtr. Horvik, f. 1659, d. 1725.

1695 betalar Sjur: Leilendingsskatt, proviantskatt, kjolepengar, fredtoll, odelsskatt og rosteneste, 1 mrk. 10 skilling.

1717 kjøpte han garden av eigaren Boye Rafnsdorph.

Born:

1. Gulleik, f. 1690. Neste brukar.
2. Peder, f. 1691. Han er ikkje nemnd i skifte 1747. 1711 er han tenar på Skjerven.
3. Brita, f. 1695, g. 1730 Odd Nilsson Li, f. 1690, b. Li.
4. Ole, f. 1698, g. 1735 Marita Oddsdtr. Li, f. 1718, b. Nedre Rasdal.
5. Jakob, f. 1705, g. 1736 ek. Kari Larsdtr. Berge, f. 1690, b. Berge

Etter matrikkelen 1723 heiter det om garden: "75 Rødland Apostels Gods udj Bers dahlen. Opsidderis Tal 1. Proprietair og Bøxelraadig

1 pd Sm opsidderen Ejer self. Huusmands Pladser Ingen. Ingen Sætter har lidet brendeveg Skoug, og ey widere. Ingen quærn Intet Fischerie. Ligger 2 Mil fra siøen høyt i fieldet, mislig til Korn og tungvunden. Saar 1/4 td haufre aufler 1/2 td. føder 7 kiør 5 ung Nød 18 faar 1 hæst. Taxt efter gl. Matricul 1 pd Sm. Forhøyet 12 Mk Sm. Har ingen anden næring eller brug uden af Gaardens aufling, ligger 8 mil fra byen".

På skifte etter Ingeborg Olsdtr. i 1725 er bruket verds. 16 rdl., og Gulleik Sjurson får skøyte frå syskena på deira partar for 8 rdl. Gulleik Sjurson, f. 1690, d. 1738, g. 1729 Marita Andersdtr. Svanga, f. 1698, d.

Born:

1. Knut, f. 1730, d. 1731.
2. Ingeborg, f. 1732, g. 1756 Jon Olson Geitle, f. 1704, b. Geitle.
3. Sjur, f. 1735, brukar seinare.
4. Gulleik, f. 1738, d. 1802.

1734. Skøyte frå Sjur Pederson på 1/2 pd. smør landskyld til sonen Jakob. Jakob Sjurson, f. 1705, g. 1736 ek. Kari Larsdtr. Berge, f. 1690. Jakob Sjurson bur på Berge, og i 1736 skøyter han denne parten til broren Gulleik Sjurson.

1738 er det halde skifte etter Gulleik Sjurson og bruket, 1 pd. sm. vert utlagd enkja Marita Andersdtr. med 12 mk., borna Sjur, Gulleik og Ingeborg tils. 12 mk. Bruket verds. 24 rdl.

1739 får Sjur Gulleikson skøyte frå syskena på 12 mk. sm. irekna hans eigen arvepart. Sjur Gulleikson, f. 1735, g. 1758 Gjertrud Arvesdtr. Narheim, Voss, f. 1729, d. 1796.

Born:

1. Arve, f. 1759, g. 1780 Kari Magnesdtr. Berge, f. 1758. Sjå nedanfor.
2. Gulleik, f. 1761.
3. Anders, f. 1762, g. 1787 ek. Elisabet Askjelsdtr. Væle, f. 1742, b. Væle.
4. Knut, f. 1765, g. 1798 Marta Olsdtr. Fadnes, f. 1762, b. Rørbakken.
5. Marita, f. 1767, g. 1790 Jon Torbjørnson Evanger, f. 1754, b. Evanger.
6. Mads, f. 1769, g. 1808 Marta Arnesdtr. Vassenden, f. 1776. Mads fall i svenskekrigen 1809.
7. Kristi, f. 1772, d. 1773.
8. Kristi, f. 1775, g. 1797 Tormod Ellingson Ukvitne, Voss, f. 1756, jordlaus husmann på Hatlestad.

Sjur er lagrettemann i 1767.

Sjur Gulleikson gifter seg oppatt 1797 med ek. Ingebjørg Halvardsdtr. Berge, f. 1729. Det er halde skifte etter Sjur 1816. Marita Andersdtr. f. 1698 gifter seg oppatt 1739 med Jon Johannesson Tyssen, f. 1712. Dei bur først på Rødland, seinare på Skjerven.

1741 er det tinglyst bygselsetel frå Jon Johannesson til Nils Knutson Fyre på 12 mk. smør. Nils Knutson, f. 1703, g. 1732 Anna Jonsdtr. Nedre Skjerven, f. 1693, d. på Flage 1770. Nils d. på Rødland 1754. Ikkje born.

1741 bygslar Jakob Berge 12 mk. smør til Godskalk Olson. Godskalk var frå Lidsheim, Voss, f. , g. 1738 Eli Olsdtr. Mølsterteig.

Born:

1. Ingjerd, f. , konf. 1757.
2. Aasa, f. 1742,
3. Brita, f. 1745, d. 1745.
4. Kari, f. 1745, d. 1745, tv. med c.
5. Kari, f. 1747.
6. Knut, f. 1750, d. 1750.
7. Jorunn, f. 1751.
8. Knut, f. 1756.

1742 skøyter Jon Johannesson Nedre Skjerven 12 mk. smør til ungkar Sjur Gulleikson, f. 1735 for 12 rdl.

1779 skøyter Sjur Gulleikson 12 mk. smør til sonen Arve. Han skal m.a. svara kår til foreldra Sjur og Gjertrud. 1791 får Arve skøyte frå faren på dei andre 12 mk. i bruket.

Arve Sjurson, f. 1759, g. 1780 Kari Magnesdtr. Berge, f. 1758, d. 1836. Arve d. 1824.

Born:

1. Sjur, f. 1780, drukna i elva 1798.
2. Ingeleiv, f. 1782, d. 1782.
3. Magne, f. 1783, drukna i elva 1798.
4. Ingeleiv, f. 1785, g. 1827 Jørgen Haldorson Hernes, f. 1783, b. Hernes.
5. Nils, f. 1788. Neste brukar.
6. Gjertrud, f. 1790, g. 1809 Lars Larsson Fosse, f. 1785, b. Fosse.
7. Gulleik, f. 1793, g. 1838 Ingeborg Jørgensdtr. Finne, 29 år gl., husmannsfolk Grjoteteigen, Finne, Voss. Ingeborg var dtr. til Jørgen Kolbeinson Finnesteig.
8. Brytteva, f. 1795, d. 1848.
9. Sjur, f. 1798.
10. Ingebjørg, f. 1800, g. 1834 em. Lars Andersson Solberg, f. 1793, b. Solberg.
11. Magne, f. 1804, g. 1826 Brita Larsdtr. Ullestad, f. 1802, husmann Rødland.

Etter jordavgiftsboka 1802 var fødnaden 18 krøter, 24 sauer. Sådde 1 1/2 td., avla 6 td. Bruket verds. 200 rdl. Avgift 1 rdl. 18 skill.

1810 skøyter Arve Sjurson 12 mk. smør til sonen Nils, og 12 mk. til Askjel Torbjørnson Evanger. Dei skulde svara kår til seljaren og kona. Same året overdrog Askjel Torbjørnson sine 12 mk. til Nils Arveson. Nils Arveson, f. 1788, g. 1814 Marta Mattiasdtr. Lunde, Voss, f. 1781

Born:

1. Arve, f. 1816, neste brukar.
2. Anna, f. 1818, d. 1821.
3. Kari, f. 1821, d. 1822.
4. Anna, f. 1823, døvstum, d. 1903.
5. Mattias, f. 1826, d. på Liland, Voss, 1883.
6. Brita, f. 1830, d. 1834.
7. Ole, f. 1833, døvstum, d. 1899.

På skifte etter Marta Mattiasdtr. i 1843 vart bruket for takst 290 spd. utlagt til sonen Arve Nilsson. Nils Arveson gifter seg oppatt 1847 med Anna Ellingsdtr. Småbrekke, f. 1819, d. 1914. Nils drukna i Bergsvatnet 1862.

Born:

8. Marta, f. 1848, g. 1874 Brynjulv Brynjulvson Vete, Voss, 39 år gl., utv. til Amerika.
9. Anders, f. 1850, g. 1875 Synneva Johannesdtr. Bergstad, f. 1848, b. Volda.
10. Kari, f. 1852, g. 1893 Godskalk Godskalkson Midttun, Voss, f. 1863, vevskeibindar. Han sette seg opp hus i Sundet.
11. Brita, f. 1854 (mrs. Betzy St. John, USA).
12. Marta, f. 1854, g. 1879 Ola Godskalkson Midttun, Voss, f. 1855, Utv. til Amerika.
13. Elling, f. 1857, g. Petrine Tommesine Molnes, Vigra. Han tok Molnes til etternamn, b. Ålesund.
14. Gjertrud, f. 1860, huseigar på Rogne, Voss, d. ug. 1945.
15. Elling hadde ein son, Nils, f. 1877, med Ingebjørg Helgesdtr. Evangerhaug. Nils utv. til Amerika 1894, farmar Granville Co., N. Dakota.
16. Gjertrud hadde ein son, Nils, f. 1895, med Kolbein Andersson Hovda, Voss. Nils utv. til Amerika og var med i første verdskrigen. Arve Nilsson, f. 1816, g. 1844 Torbjørg Askjelsdtr, Århus, f. 1820, d. 1896. Arve døydde 1897, han datt ned lemstroppa og slo seg i hel. Det vart brand i huset, og så skulde han skunda seg.

Born:

1. Nils, f. 1845. Neste brukar.
2. Askjel, f. 1847, b. bnr. 2.
3. Sjur, f. 1850, g. 1874 i Nykyrkja i Bergen med enkja Christophine Bergitte Torgersen, 33 år gl., kjøpmann i Bergen.
4. Marta, f. 1853, g. 1877 Lars Helgeson Rasdal, f. 1850, b. Øvre Rasdal.
5. Mattias, f. 1856, d. før 1904. 1875 slåttekar og rypejeger.
6. Anders, f. 1859, d. 1859.
7. Brytteva, f. 1861, g. i USA med Jon Larsson Kannikkeberg, Kvam f. 1851.
8. Anders, f. 1864, omkom i snøstorm 1888.

Jordbruksbeskrivelsen 1863 seier om bruket at det er 4 mål åker, 33 mål god, 22 mål middels og 35 mål naturleg eng. Det var ikkje jord skikka til oppdyrking. Av utslåtter og fjellslåtter 866 våger høy. Sådde 1 3/4 td korn og 2 td poteter, avla 7 td korn og 8 td poteter, og fekk 1444 våger høy. Fødnaden var 14 kyr, 4 ungfe, 40 sauer og 1 hest. Det var meir enn nok hamn, som låg godt og lagleg til. Det var skog til brendsel, men ikkje til sal, og ikkje forsurrogater av noko slag. Det var 2 mil vanskeleg klyvjeveg til sjøen, og 6 mil til Bergen. Kornet fraus ofte og vart sjeldan moge. Garden var elles lett og vanleg godt dreven. For bortleigd hamn 3 spd. årleg.

1874. Skøyte til Nils Arveson for 300 spd. og kår. Nils Arveson, f. 1845, d. 1936, g. 1869 Ingebjørg Brynjulfsdtr. Bolstad, f. 1844, d. 1903.

Born:

1. Torbjørg, f. 1871, g. 1889 Johannes Larsson Li, f. 1859, b. Dale.
2. Arve, f. 1873, drukna under bading 1896.
3. Brynjulv, f. 1876, drukna under bading 1896.
4. Brita, f. 1881, g. med neste brukar.
5. Ingeborg, f. 1883, d. 1902.
6. Marta, f. 1886, g. 1908 Karl Gustav Bjørlo, f. 1885. Vegarbeidar, b. på Evanger og Hosås. Utv. til USA. Huslyden vart att i Evanger.

1875 var fødnaden 1 hest, 8 kyr, 3 ungfe, 14 sauer. Tenestjenta Barbrå Andersdtr. Evanger hadde 2 sauer. Kårmannen hadde 4 kyr og 10 sauer, og Anna Nilsdtr. f. 1823 hadde 1 sau. — 1886 får Anna og broren Ola Nilsson, f. 1833, kår på bruket.

1926 skøyter Nils .Arveson til versonen Torgeir Torbjørnson Kirketeig for kr. 5.000 og kår. Torgeir hadde drive garden siden 1917. Torgeir Kirketeig, f. i Granvin 1877, d. 1967, g. 1910 Brita Nilsdtr. f. 1881, d. 1968.

Born:

1. Nils, f. 1911. Neste brukar.
2. Thor, f. 1914, student NTH, Trondheim, fall i krigen i Valdres, 23/4 1940.
3. Ingebjørg, f. 1916, g. 1961 Olav A. Heimdal, Modalen, f. 1910.
4. Gjert, f. 1919, g. 1950 Ingebjørg Helgesdtr. Horvik, f. 1921, tekstilarb., b. Dale.

Torgeir Kirketeig var i lang tid oppsynsmann på vegen frå Odda til Hardangervidda, ei lengd på 12 mil. Han var ein sers dugande vegbyggjar og gjorde mange arbeid som vert omtala med stor vyrdnad. Ved opninga av Fyksesundbrua i 1937 fekk han Kongens fortenestmedalje av kronprins Olav for sitt dugande arbeid som vegbyggjar.

1949. Skøyte til Nils Torgeirson, f. 1911, for kr. 2.000 og kår. Han er ugift.