Sylvskatten 1816, av Lars Schjærven

Frå Vaksdal Historielag

Sylvskatten 1816 - Bergsdalen

Dei norske bøndene var ikkje bortskjemde når det galdt å svara skattar og avgifter til danskekongane. Då Norges Bank vart skipa i 1816, måtte det skaffast eit grunnfond på 2 mill. spd. Men det var ein urimeleg hard og umenneskeleg måte dei skaffa fondet til vegar på. Det vart utlikna so og so mange dalarar på alle som det kunne takast noko hjå, som pliktig innskot, og inn¬skotet skulle betalast i sylv, og dei som ikkje hadde dalarar måtte ut med sylvbelte, staup og krus og andre sylvsaker, som vart verdsett etter sylvvekta, Mykje gamalt arvesylv gjekk i smeltedigelen på denne måten, og "skatten" er vel den mest upopulære som nokon gong har vore utskriven. For Evanger vart det utlikna ialt 763 spd. 40 skill. Nedanfor er ei oppgåva over kva som vart utlikna på bergsdølene.